தமிழ்த்திரைப்பாக்கூடம். உலகின் முதல் தமிழ்த்திரைப்பாடலாசிரியர் பயிற்சி நிறுவனம்.
இயக்கம்.. ஒளிப்பதிவு.. நடிப்பு.. இசை.. என அனைத்தையும் முறைப்படிக் கற்றுக்கொள்ள வாய்ப்புள்ள இவ்வுலகில்.. உலக வரலாற்றில் முதல்முறையாகத் தமிழ்த்திரைப்பாடல் எழுதப் பயிற்சி அளிக்கும் உலகின் முதல் பயிற்சி நிறுவனமாகவும்.. உலகளவில் முதல்முறையாகத் தமிழ்த்திரைப்பாடலாசிரியர் பட்டயப்படிப்பை உருவாக்கிய உலகின் முதல் பயிற்சி நிறுவனமாகவும் திகழ்கிறது தமிழ்த்திரைப்பாக்கூடம்.
அஞ்சாதே திரைப்படத்தில் மனசுக்குள் மனசுக்குள் புதுமழை விழுகிறதே.. நினைத்தாலே இனிக்கும் திரைப்படத்தில் செக்ஸி லேடி.. கிட்ட வாடி.. உத்தமபுத்திரன் திரைப்படத்தில் உசுமுலாரசே.. உசுமுலாரசே.. மற்றும் என் நெஞ்சு சின்ன இலை.. வேலாயுதம் திரைப்படத்தில்.. வேலா.. வேலா.. வேலாயுதம்.. நான் திரைப்படத்தில் மக்காயாலா.. மக்காயாலா.. கோலிசோடா திரைப்படத்தில் ஜனனம்.. ஜனனம்.. சலீம் திரைப்படத்தில் மஸ்காரா போட்டு மயக்குறியே.. பிச்சைக்காரன் திரைப்படத்தில் உனக்காக வருவேன்.. கடாரம் கொண்டான் திரைப்படத்தில் கடாரம் கொண்டான்.. போன்ற 450-க்கும் மேற்பட்டத் திரைப்பாடல்களை எழுதியுள்ள பாடலாசிரியர் பிரியன் அவர்களால்.. அவரது பத்தாண்டுகளுக்கும் மேலான உழைப்பால்.. கடந்த 2013 ஆம் ஆண்டு தோற்றுவிக்கப்பட்டது தமிழ்த்திரைப்பாக்கூடம்.
பல முன்னணி இசையமைப்பாளர்கள்.. இயக்குநர்கள்.. பாடலாசிரியர்கள்.. பாடகர்கள்.. போன்ற பல முன்னணித் திரைப்பிரபலங்களின் நேரடிக் கலந்துரையாடல்கள் மூலமாகப் பாடலாசிரியர் பயிற்சி மாணவர்கள் பாடல் எழுதக் கற்றலோடு சேர்த்துத் தமிழ்த்திரைத்துறை குறித்த புரிதல்களையும் திரைப்பிரபலங்களின் அறிமுகங்களையும் பெறுகிறார்கள்.
2013 ஆம் ஆண்டில் இருந்து கடந்த எட்டு ஆண்டுகளாகத் தகுதியுடைய 150-க்கும் மேலானவர்களுக்குத் திரைப்பாடல் இயற்றும் கலையை வெற்றிகரமாகக் கற்பித்துள்ளது தமிழ்த்திரைப்பாக்கூடம்.
ராட்சசன், தீரன் அதிகாரம் ஒன்று, லாக்கப், ஜீவி, ஆண்தேவதை, ஐங்கரன், காட்பாதர், இக்லூ, அடங்காதே, பஞ்சராட்சம், சென்னை2சிங்கப்பூர், குந்தி, மாயவன், பொய்யாட்டம், ஜீலை காற்றில், கண்மணி, கத சொல்லப் போறோம், மோசமான கூட்டம், வாண்டுப்பசங்க, சாந்தன், பதவி, இருந்தும் மறைந்தேன், நடிகையின் டைரி, ஜவ்வுமிட்டாய், நீ என்ன மாயம் செய்தாய் கணேசாபுரம், நவரசா உட்பட பலப்பலத் திரைப்படங்களில் இதுவரை இருபதிற்கும் மேற்பட்ட மாணவர்கள் திரைப்பாடல்கள் எழுதிப் பாடலாசிரியர்களாக வலம் வந்துகொண்டிருக்கிறார்கள்.
மேலும், முப்பதிற்கும் மேற்பட்டவர்கள் ஆல்பங்கள் குறும்படப்பாடல்கள் ஆன்மீகப்பாடல்கள் படைத்தல் எனச் சிறப்பாக இயங்கிக் கொண்டிருக்கிறார்கள்.
திரைப்படங்களில் பாடல் எழுத வேண்டும்.. பாடலாசிரியர் ஆக வேண்டும் எனும் பலரின் கனவைச் சாத்தியபடுத்தி வரும் தமிழ்த்திரைப்பாக்கூடம் ஒவ்வொரு ஆண்டும் தனிக்கவனமுடன் வகுப்புகளை நடத்தி.. ஒவ்வொருவருக்கும் பிரத்தியேக முக்கியத்துவம் தந்துத் தமிழ்த்திரைப்பாடலாசிரியர் பயிற்சி அளித்துப் பலருக்கு அவர்களின் முதல்பாடல் கனவை நிறைவேற்றி வருகிறது.
சிறந்த அடுத்தத் தலைமுறைப் பாடலாசிரியர்களை உருவாக்க வேண்டும் மற்றும் தகுதி உடைய எவருக்கும் பாடல் எழுதும் கலை வசமாக வேண்டும் எனும் நன்னோக்கில் நாளும் பயணித்துத் திறன்மிக்கப் பாடலாசிரியர்களை திறம்பட உருவாக்கி வருவதில் என்றும் பெருமிதம் கொள்கிறது தமிழ்த்திரைப்பாக்கூடம்.